حكايه يرويها زملكاوي دمه محروق طبعا مش أنا..........!

ده الزمالك وده الأهلى
ياجماعة احنا عمالين نقول عايزين حل للزمالك وبنقعد ندور على الحل شوية نقول الإدارة وشوية نقول اللعيبة وشوية نقول الجمهور وشوية نقول
الإعلام وشوية نقول المدرب طب أحنا ليه مفكرناش أن فى حاجة تانية خالص (أن هو ده الزمالك وده مستواه بلاش ندخل فى مقارنة مع الأهلى عشان بجد مينفعش حرام كده بنظلم ناس بتتعب بجد لأن الأهلى ده كيان أدب وأحترام وثقافة كفاية أسامى الناس اللى فيه ده احنا لو جينا حتى نجيب قصة الزماك والأهلى هنلاقى الزمالك كان بياخد بطولات كتير بس برده عمره ما ركب الأهلى ولا هيعرف يركبه يعنى كورة السبعينات والثمانينات كان رموز الأهلى فيها أقوى وأكبر وأحرف من نجوم الزمالك فمثال واحد وأنا كزملكاوى بعتبره أحسن شخصية كروية سواء فى إدارة أو كلعيب هو الكابتن محمود الخطيب انا عايز أعرف حاجة واحدة مين فى أدارة الزمالك جه واحد شبهه أو زيه أو حتى فى أدبه وأحترامه لناديه والأسطورة صالح سليم وغيرهم وغيرهم أنا نفسى بس أن احنا نعرف قدر الزمالك كويس ومنتخانقش عشان نحاول نشوفه أحسن من الأهلى لأن لا هييجى لعيبه ولا إداريين زى اللى لعيبة وإداريين النادى الأهلى ولازم كلنا نرضى بالأمر الواقع.....
عايز أحكلكم قصة مش عارف أقول عليها ايه حزينة ولا طريفة ولا ايه بالظبط ... المهم يوم ماتش الأهلى والصفاقسى روحت الماتش على سبيل تغيير الجو مش أكتر انا زملكاوى 100/100 ومش هعرف أغير عشان ده مرض عامل زى مرض السكر بس هعمل نصيبى المهم روحت الماتش ودخلت الأستاد أيه المنظر الجميل ده الجماهير بتموت نفسها عشان تحاول تدخل الماتش واللى ينط من على السور الحديد واللى يدوس على اللى قدامه عشان يدخل وده فى الدرجة الاولى المماز مش ثالثة على فكرة شوفوا الأنتماء وحب الناس عشان يشجعوا فرقهم ممكن يعملوا اى حاجة وده طبعا الاهلى فى المقابل بقى شوفوا ماتشات الزمالك عمركم ما هتلاقوا الجماهير ممكن تقفل المدرج بتاعها ما علينا المهم دخلت الاستاد واتفرجت على أحلى وأجمل منظر فى الدنيا ملقتش غير دموعى نزلت من غير ما أقصدعلى المتعة اللى انا حسسها والحصرة على نفسى فى نفس الوقت واول ما اللعيبة نزلت أرض الملعب تشجيع وتسقيف لواحد واحد بالظبط زى ما بنشوف فى ماتشات الزمالك شتيمه وتهزيق فى واحد واحد والغريبه انى وانا بتفرج على الماتش لو لعيب غلط غلطه لا بنلاقى الجمهور سبله ولا قام عليه ولا حاجة على النقيض تماما مع جمهور الزمالك اللى لما جمال حمزة كان بيضيع كورة هو ولا شيكا كان الكل بيشتم ويلعن فيهم وانا اولكم على فكرة بس أحلى منظر شوفته لما جه الجول الأول جمهو بيرقص بهستريا وبيسقف بجنون وبيشجع بحرارة وبعد ما دخل فيه جول مسكتوش بالعكس شجعوا اكتر واكتر واكتر لحد ما اللعيبه بقت حسه انهم قعدين مع الجمهور ومحدش فيهم تعب ولا خستع وفضلوا يعافروا ويعاندوا النجيلة لغاية لما جابو الثانى ملقتش غير دموعى انهمرت وقمت وقعدت اسقف واشجع معاهم بجنون
سؤال بسيط ليه احنا منبقاش كده ليه الكل بيقعد يضحك على نفسه ويقول انا بحب الزمالك وهو فى المقابل يشتم وينفر كل لعيبته فى كل مباراه وكل لقاء ياريت نحاول نحب الزمالك بجد الزمالك اللى ربنا انشاء الله هييجى يوم من الايام هيخرجوا من اللى هو فيه بس امتى اليوم ده يدينا ويديكوا ويدى ولادنا طولة العمر مع انى اشك ان فى حد فى الجيل اللى جى ممكن يشجع الزمالك ده لو كان فيه ساعتها نادى الزمالك .....هو ممكن يبقى فى نادى الزمالك فى حالة واحدة وهى ان الأهلى يلعب يا فى الدورى الأسبانى يا الدورى الأيطالى ساعتها بس هيبقى فى جيل تانى وثالث لتشجيع الزمالك وفى النهاية أحب أقولكم حاجة واحدة حطوا كل واحد فى المكان اللى يستحقوا ولازم نعرف ان الزمالك هو الزمالك والأهلى هو الأهلى سواء رضينا أو لم نرضى هو فريق القرن ده وانا عارف انه هيبقى فريق القرن اللى جى والزمالك ربنا يستر عليه يبقى فى الممتاز وحلو أوى أوى علينا كده والسلام ختام يا أهلاوية وأخواتى الزملكاوية ولنا الله يا زمالك
اه أخر كلمة والبنى متزعلوش منى ياريت يا شيكا لو أنت راجل بجد وقد الكلام اللى انت قولته متلبسش فانلة الزمالك تانى وخد معاك جمال وأبو العلا وجدو عبد الحليم وأمشوا والزمالك أنا واثق أنه هيتصلح حاله وياريت يا ادارة الزمالك تقعدوا مع جوزيه الشيطان ده ويكتبلكوا ورقه يقولكم تعملوا ايه كل ماتش يمكن ربنا يكرمكم